Slysavarnarskólinn

Allir skipverjar á íslenskum skipum þurfa að hafa lokið öryggisfræðslu hjá Slysavarnaskóla sjómanna eða hjá öðrum viðurkenndum þjálfunaraðila.  

Tilgangur með öryggisfræðslu

Til að uppfylla kröfur STCW og STCW-F samþykktanna um þjálfun, menntun áhafna skipa og vaktstöður er tekið fram í lögum um áhafnir skipa að öllum sjómönnum sé skylt taka viðeigandi námskeið í öryggis- og björgunarmálum hjá Slysavarnaskóla sjómanna eða öðrum viðurkenndum þjálfunaraðila. 

Hlutverk

Hlutverk Slysavarnaskóla sjómanna er að halda námskeið fyrir starfandi og verðandi sjómenn ásamt nemendum skipstjórnar- og vélstjórnarnáms í öryggis- og björgunarmálum. Slysavarnaskóli sjómanna var stofnaður 1985 og er starfræktur af Slysavarnafélaginu Landsbjörgu samkvæmt lögum um skólann.  

Markmið Slysavarnaskóla sjómanna

• Að auka öryggi sjómanna með fræðslu og þjálfun í meðferð björgunar- og öryggisbúnaðar og með almennri fræðslu um slysavarnir á sjó. 

• Að vinna stöðugt að umbótum á fræðslu til íslenskra sjómanna um öryggismál á sjó. 

• Að leggja áherslu á að námskeið og þjónusta skólans uppfylli ávallt væntingar viðskipavina skólans. 

• Að aðstoða áhafnir í öryggismálum um borð í skipum þeirra. 

• Að vera virkur þátttakandi í mótun öryggismála sjómanna. 

• Að bjóða upp á skyldunámskeið varðandi öryggisfræðslu sjómanna, samkvæmt STCW samþykktinni miðað við þarfir íslenska skipastólsins. 

• Að tryggja öryggi nemenda á námskeiðum með því að beita fyrirbyggjandi aðgerðum. 

Laga og reglugerðarstoð 

• Lög um áhafnir skipa nr. 82/2022

• Lög um framhaldsskóla, nr. 92/2008 

• Lög um Slysavarnaskóla sjómanna nr. 33/1991 

• Reglugerð um skipstjórnar- og vélstjórnarréttindi á fiskiskipum, varðskipum og öðrum skipum, nr. 944/2020.

• Reglugerð um menntun, þjálfun og atvinnuréttindi farmanna. nr. 676/2015.