Slys og bráðatilvik

Bráða- og slysamóttökur eða slysadeildir eru á flestum heilsugæslustöðvum og sjúkrahúsum. Þjónustan er veitt allt árið. Neyðarnúmerið 112 (einn, einn, tveir) sinnir allri neyðarþjónustu og svarar öllum símtölum vegna neyðartilvika og aðstoðarbeiðna.

Slysa og bráðamóttaka

Bráðaþjónustur og/eða slysamóttökur eru starfandi við deildir og svið sjúkrahúsa og heilbrigðisstofnana.
Slysa- og bráðamóttaka er á Landspítala í Fossvogi, sími 543 2000.
Bráðamóttaka Landspítala í Fossvogi
Bráðadeild á G2 Landspítala í Fossvogi
Bráða- og göngudeild G3 Landspítala í Fossvogi
Slysa- og bráðamóttaka Sjúkrahússins á Akureyri
Bráðaþjónusta við hjartasjúklinga er á Hjartagátt, Landspítala við Hringbraut, nema um helgar. Þá er tekið á móti hjartasjúklingum á slysa- og bráðamóttöku Landspítala í Fossvogi.
Um Hjartagátt Landspítala við Hringbraut

Skyndihjálp.is

Börn og unglingar

Bráðamóttaka Barnaspítala Hringsins er tilvísunarþjónusta og tekur við veikum börnum og unglingum að 18 ára aldri. Bráðamóttakan er opin allan sólarhringinn og sinnir bráðveikum börn. Sími 543 1000.
Bráðamóttaka Barnaspítala Hringsins
Barnalæknar eru með kvöld- og helgarþjónustu í Læknahúsinu, Domus Medica, við Egilsgötu, sími 563 1010.
Barnalæknavaktin
Bráðaþjónusta fyrir börn með geðsjúkdóma eða geðraskanir er virka daga á dagtíma hjá BUGL, Dalbraut 12, sími 543 4300 en á öðrum tímum er símtölum beint til legudeildar BUGL sími 543 4320/543 1000. Þá er einnig bráðamóttaka við geðdeild Sjúkrahússins á Akureyri, sími 463 0100.
BUGL, barna- og unglingageðdeild
Bráðamóttaka geðsviðs við Hringbraut
Bráðamóttökudeild geðdeildar Sjúkrahússins á Akureyri

Geð

Bráðamóttaka geðsviðs Landspítala er í geðdeildarbyggingu sjúkrahússins við Hringbraut, sími 543 4050/543 1000. Utan opnunartíma er hægt að leita á almenna bráðamóttöku. Bráðamóttaka er við geðdeild Sjúkrahússins á Akureyri, sími 463 0100.
Bráðamóttaka geðsviðs Landspítala við Hringbraut
Bráðamóttökudeild geðdeildar Sjúkrahússins á Akureyri

Meðganga

Ef alvarleg vandkvæði eins og blæðingar eða verkir á fyrstu þremur mánuðum meðgöngu hrjá konur geta þær leitað til móttökudeildar kvennasviðs Landspítala við Hringbraut, sími 543 3266/543 3265/543 1000. Þá geta konur einnig leitað til kvennadeildar Sjúkrahússins á Akureyri, sími 463 0129/463 0134.
Móttökudeild kvennasviðs Landspítala við Hringbraut
Fæðingardeild Sjúkrahússins á Akureyri

Áfengi og vímuefni

Móttaka fyrir þá sem eiga við áfengis- og vímuefnavanda að stríða er í geðdeildarbyggingu Landspítala við Hringbraut, sími 543 4050/543 1000.
Bráðamóttaka geðsviðs Landspítala við Hringbraut
Fíknigeðdeild Landspítala

Nauðgun

Bráðamóttaka vegna kynferðislegs ofbeldis er á öllum bráðamóttökum og slysadeildum. Sérstök neyðarmóttaka er á slysa- og bráðasviði Landspítala í Fossvogi, sími 543 2094/543 2000 og slysadeild Sjúkrahússins á Akureyri, sími 463 0800.
Neyðarmóttaka fyrir þolendur kynferðisofbeldis Landspítala í Fossvogi
Hvernig er haft samband við neyðarmóttöku þolenda kynferðisofbeldis
Neyðarmóttaka fyrir þolendur kynferðisofbeldis á slysadeild Sjúkrahússins á Akureyri

Eitrun

Komist einstaklingur í tæri við hættuleg efni, eitraðar plöntur eða lyf skal hafa samband við Eitrunarmiðstöð Landspítala, sími 543 2222. Hægt er að hringja allan sólarhringinn og fá upplýsingar og leiðbeiningar. Einnig er hægt að nálgast fræðsluefni um hvernig bregðast á við ef eitrun verður.
Eitrunarmiðstöð LS

Áfallahjálp

Þeir sem orðið hafa fyrir áfalli geta leitað aðstoðar á miðstöð áfallahjálpar á Landspítala, sími 543 2085, slysadeildum og bráðamóttökum og einnig hringt í hjálparsíma Rauða krossins.
Áfallahjálp og almannavarnir
1717 - Hjálparsími Rauða krossins

Tannlæknar

Á höfuðborgarsvæðinu starfar neyðarvakt tannlækna. Athugið að gjaldskrá starfandi tannlækna er frjáls og er allt frá 34% til 130% yfir gjaldskrá sem heilbrigðisráðherra gefur út fyrir tannlækna. Spyrjið um verð áður en þjónusta er þegin.
Gjaldskrá Sjúkratrygginga Íslands fyrir tannlækningar (pdf)
Neyðarvakt tannlækna

Slys og bráðatilvik

Meðganga

Vert að skoða