Húsnæðislán

Flestir fjármagna húsnæðiskaup og –byggingar með lánum og þurfa að kynna sér hvaða kjör standa þeim til boða.

Lánsmöguleikar

Flestar lánastofnanir fara fram á að greiðslumat fylgi lánsumsókn. Greiðslumat er útreikningur á greiðslugetu og lánsþörf lántakanda eða hversu dýrt húsnæði hann getur keypt miðað við eignir sínar, tekjur og gjöld.
Lántakendur geta gert eigið greiðslumat á netinu eða fengið aðstoð við gerð þess hjá starfsmönnum lánastofnana.
Íbúðalánasjóður veitir einstaklingum lán til kaupa, nýbygginga og endurbóta á eigin húsnæði. Landsmenn hafa sama rétt til íbúðalána sjóðsins, óháð búsetu.
Úrskurðarnefnd velferðarmála sker úr ágreiningsmálum er varða ákvarðanir Íbúðalánasjóðs.
Úrskurðarnefnd velferðarmála

Öll lán til húsnæðiskaupa eru veðlán sem þýðir að lánið er tryggt með veði í eigninni sem kaupa á, eða í öðrum fasteignum.
Þegar ákveðið er hversu hátt lán er veitt til húsnæðiskaupa er einkum miðað við greiðslugetu lántakanda og kaupverð eignarinnar. Lánveitendur skoða einnig brunabóta- eða fasteignamat þeirrar eignar sem á að kaupa eða er veðsett.
Vextir lána og til hve margra ára lánið er tekið ræður greiðslubyrði lánsins, það er hversu háar afborganir eru af því.
Ef greiðsluerfiðleikar steðja að má til að mynda leita ráðgjafar og úrræða hjá